Showing posts with label மகிந்த ராஜபக்ஷ. Show all posts
Showing posts with label மகிந்த ராஜபக்ஷ. Show all posts

Friday, 18 September 2009

மகிந்தவுக்கு ஆயத்தமாகும் “அரசியல் கிளைமோர்”

பயங்கரவாதத்திலிருந்து நாட்டை மீட்கப்போவதாகக் கூறிக்கொண்டு தமிழ்மக்களுக்கு எதிராக மிகப்பெரிய அவலத்தை மேற்கொண்ட மகிந்த அரசினை சர்வதேச குற்ற விசாரணைக்குட்படுத்துவதற்கு சிங்கள கட்சிகளே ஆயத்தமாகிவருவதாக கொழும்புத் தகவல்கள் தெரிவிக்கின்றன. சிங்களக் கடும்போக்காளராக சிறிலங்காவில் கோலோச்சிக்கொண்டிருக்கும் மகிந்த அரசின் மீது மேற்குலகம் போர்க்குற்ற விசாரணைகளை நடத்துவதற்கு ஆயத்தமாகி வருகின்றவேளை, பெரும்பான்மையினத்தின் கொழுத்த ஆதரவுடைய சிங்களக் கட்சிகள் பல இணைந்து மேற்குலகின் இந்த முயற்சிக்கு ஆதரவு வழங்குவதற்கு முடிவு செய்திருப்பதாக அந்தத் தகவல்கள் மேலும் தெரிவித்திருக்கின்றன.

அடுத்த நாடாளுமன்ற தேர்தலுக்கு முன்பதாக, மகிந்த அரசுக்கு எதிரான மிகப்பெரிய அரசியல் முன்னணி ஒன்றைக் கட்டமைக்கும் பணியில் தென்னிலங்கையின் முக்கிய அரசியல் புள்ளிகள் மும்முரமாக மேற்கொண்டு வருகின்றனர் என்றும் - 



தொடர்ந்து வாசிக்க...


-சேரன்

Monday, 14 September 2009

"மகிந்த சிந்தனை"யில் மாயமான பொன்சேகா

போர் முடிவடைந்துவிட்டதாக சிறிலங்கா அரசினால் அறிவிப்பு விடுக்கப்பட்டு இரண்டு மாதங்களில், நாட்டின் இராணுவ இயந்திரத்தில் அரசுத்தலைவர் மகிந்த ராஜபக்ஷ மேற்கொண்டுள்ள அதிரடி மாற்றங்கள் படையினர் உட்பட பலருக்கும் பெரும் அதிர்ச்சியை ஏற்படுத்தியுள்ளது.

இந்த மாற்றங்களில் மிகமுக்கியமானதாகக் கருதப்படும் முன்னாள் இராணுவதளபதி ஜெனரல் சரத் பொன்சேகாவின் பதவிப்பறிப்பு அரசுத்தலைவர் மகிந்தவின் பல்வேறு சிந்தனைகளை பட்டவர்த்தனமாக்கியுள்ளது.

விடுதலைப்புலிகளுக்கு எதிரான போரில் சரத் பொன்சேகாவின் பங்களிப்பு எத்தகையது என்பது அனைவரும் அறிந்த விடயம். நடந்து முடிந்த போரில், வல்லரசுகளின் நிகழ்ச்சிநிரலைக் களத்திலே செயற்படுத்தும் பணியையே சரத்பொன்சேகா மேற்கொண்டிருந்தார்.


தொடர்ந்து வாசிக்க...

Thursday, 20 August 2009

பாதை திறப்பின் ஊடாக அரசின் விளம்பரமும் வியாபாரமும்

தமிழர் தாயகத்தின் வடக்குப் பெருநகரான யாழ்ப்பாணத்தினை தென்னிலங்கையுடன் இணைக்கும் ஏ-9 வீதியை மீளத்திறந்துள்ள சிறிலங்கா அரசு, அதனை தேர்தல் கருப்பொருளாக வைத்து குடாநாட்டு மக்களின் வாக்குகளை வேட்டையாடும் பாரிய திட்டத்துடன் களமிறங்கியிருக்கிறது.

இனப்பிரச்சினையின் உஷ்ணம் ஆயுதப்போராட்டத்தின் ஊடாக வெடித்த காலப்பகுதியில் - 1984 ஆம் ஆண்டில் - தமிழர்தாயகத்துக்கான மிகமுக்கியமான நெடுஞ்சாலையான ஏ-9 வீதியை சிறிலங்கா அரசு இழுத்து மூடியது. சுமார் 18 வருடங்களின் பின்னர், சிறிலங்கா அரசுக்கும் விடுதலைப்புலிகளுக்கும் இடையில் செய்துகொள்ளப்பட்ட புரிந்துணர்வு ஒப்பந்தத்தின் அடிப்படையில் 2002 ஆம் ஆண்டு பெப்ரவரி 15 ஆம் திகதி இப்பாதை மீண்டும் திறக்கப்பட்டது. அரசுக்கும் விடுதலைப்புலிகளுக்கும் இடையில் மீண்டும் ஆரம்பித்த முறுகல் நிலையை அடுத்து 2006 ஆம் ஆண்டு ஆவணிமாதம் சிறிலங்கா அரசினால் மீண்டும் இழுத்து மூடப்பட்டது.

Sunday, 16 August 2009

தீர்வு பேச முயன்ற தயானை தீர்த்துக்கட்டிய மகிந்த

சிறிலங்கா அரசின் இனவாத கொள்கைகளையும் இனஅழிப்பு போருக்கு நியாயப்பாடுகளையும் உலகெங்கும் பரப்புரைசெய்து வந்த ஐக்கிய நாடுகள் சபைக்கான சிறிலங்காவின் பிரதிநிதி தயான் ஜயதிலக மகிந்த சிந்தனையில் அடித்துச்செல்லப்பட்ட அடுத்த மனிதராக அவரது பதவியிலிருந்து தூக்கியெறியப்பட்டுள்ளார்.

மகிந்த தலைமையிலான அரசு மேற்கொண்டுவந்த சகல நடவடிக்கைகளையும் ஏதோ ஒரு விதத்தில் நியாயப்படுத்தி உலக அரங்கில் அதற்கு ஆதரவு தேடிக்கொள்ளும் முயற்சியில் தயான் ஜெயதிலக சிங்களதேசத்தின் பிரசார பீரங்கியாக செயற்பட்டுவந்தார் என்றால் மிகையில்லை.