Wednesday, 7 October 2009

உன்னைப்போல் ஒருவன் – ஒரு பார்வை


அண்மையில் வெளிவந்து தமிழ்த் திரையுலகத்தை ஆட்டிப்படைத்துக் கொண்டிருக்கும் ஒரு படமிது. ஆகா ஓகோ என்று பெருவாரியான பாராட்டுக்களையும் புகழாரங்களையும் சூடிக்கொண்ட அதேநேரம் திரைப்படம் சொல்லவரும் கருத்து, அவற்றின் பின்னணி தொடர்பாக மிகக் கடுமையான விமர்சனங்களையும் சில தரப்புக்களிலிருந்து பெற்றுக்கொண்ட படம்.
சந்தேகமேயில்லாமல் தமிழ்த் திரையுலகில் இப்படம் ஒரு மைல் கல்லேதான். திரைப்படக் கலை என்றளவில் இது மிக நேர்த்தியான முறையில் செதுக்கப்பட்ட ஒரு திரைப்படம். அவ்வகையில் இப்படத்துக்குரிய இடம் முக்கியமானதே. ஆனால் இதன் கருவாக, போதனையாக, அறிவுரையாகச் சொல்லப்படும் விடயம் தமிழ்த் திரையுலகிற்குப் புதியதன்று. ஏற்கனவே விஜயகாந்த், அர்ஜுன் போன்றவர்களின் படங்களிற் சொல்லப்பட்டவைதாம்.

Tuesday, 6 October 2009

தடங்கள்-2. ஆட்லறிக்கான ஒரு சண்டை II


Thadamkall02இதன் முதற்பகுதியை வாசிக்க இங்கே செல்லவும்.
மணியண்ணை சொன்ன அதிகாலை நான்கு மணியும் வந்து சேர்ந்தது. எத்தனைபேர் இரவு நித்திரை கொண்டிருப்பார்களென்று தெரியவில்லை. எந்நேரமும் ‘லைன்’ பண்ணக்கூடியவாறு அனைவரும் தயாராகவே இருந்தார்கள். நான்குமணிவரை புதிதாக வந்து சேர்ந்தவர்களுக்குப் பயிற்சி நடந்தபடிதான் இருந்தது.
எல்லோரையும் வரச்சொன்னார்கள். தேவராஜ் அண்ணைதான் கதைத்தார். எல்லோரையும் குளத்தடிக் கோவிலுக்குச் சென்று ஒதுக்குப்புறமாக நிற்கும்படி சொல்லப்பட்டது. நாங்கள் அணியணியாக நடந்தே சென்றோம். விசுவமடுக் குளத்தின் ஒரு தொங்கலில் காட்டுக்குள் சற்று உட்பக்கமாக ஒரு சைவக் கோவில் இருந்தது. மிகப்பெரிய ஆலமரமொன்றில் அடியில் ஒரு சிறுபீடமும் அதில் கடவுளின் சிலையொன்றும் இருந்தது. கடவுள் யாரெனச் சரியாகத் தெரியாது, அனேகமாய் காளியாகவோ வைரவராகவோ இருக்க வேண்டும். பெரிய சூலமும் வேறு சிலவும் அக்கடவுளுக்குரிய பொருட்களாய் அங்கிருந்தன. முன்பே அப்பகுதி எமக்குப் பழக்கமானதே. அது மக்கள் நடமாட்டத்துக்குரிய பகுதியன்று. ஆனாலும் வருடத்துக்கொரு முறை அக்கிராம மக்கள் அங்குவந்து பெருமெடுப்பில் ஒரு திருவிழாவைச் செய்துவிட்டுச் செல்வார்கள்.

தடங்கள்-1. ஆட்லறிக்கான ஒரு சண்டை






Thadamkall011997 ஆம் ஆண்டின் ஏப்ரல் மாதம். ஒரு நீண்ட பயிற்சித் திட்டத்துக்காக இயக்கத்தின் படையணிகளிலிருந்தும் துறைகளிலிருந்தும் நாங்கள் ஒன்றுசேர்ந்திருந்தோம். மக்கள் வாழிடத்திலிருந்து சற்று ஒதுக்குப்புறமாக ஒரு காட்டுத் துண்டில் எமது கற்கைநெறிக்கான தளம் தேர்வு செய்யப்பட்டிருந்தது. தளவமைப்பு வேலைகள் முடிந்து எமது கற்கைநெறி தொடங்கியபோது கூடவே சிறிலங்கா அரசாங்கத்தின் ஜெயசிக்குறு இராணுவ நடவடிக்கையும் தொடங்கிவிட்டது.
தொடக்க நாட்களிலேயே நெடுங்கேணியை இராணுவம் கைப்பற்றிவிட்டதால் ஒட்டுசுட்டான் காட்டுப்பகுதியில் இருந்த எமக்கு ஆபத்து நெருங்கியிருந்தது. ஆகவே எமது கற்கைநெறியும் பாதிக்கப்பட்டது. காட்டுப்பகுதியிலிருந்து கொஞ்சம் பின்னகர்ந்து புளியங்குளத்தில் எமது முதன்மைத் தளத்தை அமைத்துக் கொண்டோம். அங்கே நிர்வாக வேலைகள் நடந்துகொண்டிருக்க, படிப்புக்காக மட்டுமே அணிகள் அங்கே ஒன்றுகூடுவோம். மற்றும்படி பாதுகாப்புக் காரணங்களுக்காக சிறுசிறு அணிகளாகப் பிரிந்து சற்றுத் தூரம் தள்ளித் தங்கியிருந்தோம். இந்தப் புளியங்குளம் என்பது ‘ஜெயசிக்குறு’ புகழ் புளியங்குளமன்று. அது கண்டிவீதியில் ஓமந்தைக்கும் கனகராயன் குளத்துக்குமிடையில் அமைந்துள்ளது. இது ஒட்டுசுட்டான் புளியங்குளம். ஒட்டுசுட்டான் – முள்ளியவளைச் சாலையில் ஒட்டுசுட்டானுக்கு அடுத்துள்ள கிராமம்.




செல்பேசி - சில உண்மைகள்



canon-blackberry-phoneஇன்றைய உலகில் ஒரு தவிர்க்க முடியாத அங்கமாக, மனிதனின் இன்னொரு உறுப்பாக மாறிவிட்டது செல்பேசி. (தமிழில் இதை அலைபேசி எனவும் சிலர் வழங்குவதுண்டு). எந்த ஒரு நாணயத்திற்கும் இரு பக்கங்கள் இருப்பது உலக இயல்பே. செல்பேசியும் இதற்கு விதிவிலக்கன்று. யாருடனும் எந்த நேரத்திலும் யாராலும் தொடர்பு கொள்ள இயலும். எந்த நெருக்கடி நிலையிலும் அவசரத்திலும் கைகொடுக்கக் கூடியது. நாம் செல்லும் இடமெல்லாம் எடுத்துச் செல்ல முடியும். செல்பேசிகளில் உள்ள பிற வசதிகளாகிய குறுந்தகவல்கள் (SMS), ஆர்கனைசர், அலாரம், இணையத் தொடர்பு (GPRS), வானொலி போன்ற இன்ன பிற வசதிகள் இதன் பயன்பாட்டை தவிர்க்க இயலாததாக்கி விட்டன. அதே நேரம் இதன் பயன்பாடு அளவுக்கு அதிகமாகி விட்டது. குறிப்பாக இளைய தலைமுறையினரின் மத்தியில் இதன் தாக்கம் மிகவும் அதிகரித்துவிட்டது. கண்ட கண்ட நேரங்களில் தொடர்பு கொள்வது, நேரத்தை அதிக அளவு வீணடிப்பது முதலியவை இதன் பயன்பாட்டால் அதிகரித்து வருகின்றன. சில நேரங்களில் இது நமக்கு ஓய்வே இல்லாத நிலையையும் ஏற்படுத்துகிறது.


-பாலகார்த்திகா

Monday, 5 October 2009

சேருக நாடு செய்வோம்!


ஆடுகள் ஒருமேய்ப் பன்கீழ்
ஆனநாம் வீழ்ந்து விட்டோம்!
கூடுகள் கலைந்த தாகக்
குலவுமண் சாம்பல் ஆகப்
பாடுகள் பெற்றோம்! என்றே
படுத்திருப் போமோ சொல்வீர்?
நாடுகள் கடந்த நாடு
நமக்கது வேண்டும் வெல்வீர்!




Seruga_Naadu_Seivom

தொடர்ந்து வாசிக்க...

-புதிய பாரதி

ஆஸ்திரேலிய குடிவரவு கொள்கை இறுக்கம்: நாடு திருப்பப்பட்ட 9 சிங்களவர்கள்


ஆஸ்திரேலியாவினுள் சட்டவிரோதமாக நுழைந்து அகதிநிலை தஞ்சம் கோரிய ஒன்பது சிங்களவர்களை ஆஸ்திரேலிய அரசு சிறிலங்காவுக்கு திருப்பி அனுப்ப முடிவு செய்துள்ளது. ஆஸ்திரேலியாவின் பிரதமர் கெவின் ரட்டினது புதிய அரசு பதவியேற்று அகதிகளை நாட்டுக்கு திருப்பி அனுப்பும் முதலாவது சம்பவம் இதுவாகும். சட்டவிரோதமாக நாடுகளுக்குள் நுழைந்து அகதி அந்தஸ்து கோருபவர்கள் அவர்களது சொந்த நாட்டுக்கு திருப்பி அனுப்பப்படுவது நீண்ட படிமுறைகளின் கீழ் நடைபெறும் செயற்பாடாக இருந்துவரும்வேளையில், ஆஸ்திரேலிய அரசின் இந்த அதிரடி நடவடிக்கை ஆஸ்திரேலிய ஊடகங்களில் மட்டுமன்றி ஏனைய நாட்டு ஊடகங்களையும் ஆக்கிரமித்துள்ள செய்தியாக மாறியுள்ளது.


-தெய்வீகன்

Sunday, 4 October 2009

உயிர் காக்கும் முதலுதவிகள்

மனிதன் என்னென்னவோ ஆராய்ச்சிகளில் ஈடுபடுகிறான். எதை எதையோ கண்டு பிடிக்கிறான். ஆனால் அடுத்த நொடியில் என்ன நடக்கக் கூடுமென்பதை அறிந்தவன் ஆண்டவன் ஒருவனே! நமது வாழ்வில் பற்பல நல்ல சம்பவங்களும் நடக்கின்றன, பற்பல விபத்துகளையும் சந்திக்க நேரிடுகிறது. அப்படி ஏதாவது ஒரு நெருக்கடி நிலை நேரிட்டால் தம்மையும் காத்துக் கொண்டு பிறரையும் எப்படிக்காப்பது என்பது தெரிந்திருப்பது நலமல்லவா? எனவே பொதுவாக நேரக்கூடிய விபத்துகளில் இருந்து நம்மைக் காத்துக்கொள்ள உதவும் ஆலோசனைகள் சிலவற்றை உங்களுடன் பகிர்ந்து கொள்ளவே இக்கட்டுரை.

தொடர்ந்து வாசிக்க... 


Saturday, 3 October 2009

அளவறிந்து வாழும் வாழ்க்கை

வரவு 100 ரூபாயாக இருந்தாலும் அதில் 99 ரூபாய் செலவு செய்பவர்கள் நிம்மதியாக இருக்கலாம். வரவு ஒரு லட்சம், செலவோ ஒரு லட்சத்து பத்தாயிரம் என்று இருப்பவர்கள் வாழ்க்கை எப்படி நிம்மதியாக இருக்க முடியும்? இன்றைய உலகில் ஆடம்பரத் தேவைகளுக்காகக் கடனின் பிடியில் சிக்கி அவதிப்படுபவர்கள் ஏராளம். கடனே வாங்காமல் வாழ்க்கை நடத்த முடியுமானால் அது உத்தமம். ஆனால், வீடு வாகனம் போன்றவற்றை, கடனுதவி இல்லாமல் பெறுவது மிகக் கடினம். அளவுடன் செலவு செய்து, அளவாகக் கடன் வாங்கித் திருப்பிக் கட்டுவோமானால், வாழ்க்கை நமது கட்டுப்பாட்டிற்குள் இருக்கும். இல்லையெனில், மிகக் கடினம். இது பற்றிக் கூற வரும் திருவள்ளுவரோ 
'அளவறிந்து வாழாதான் வாழ்க்கை உளபோல
இல்லாதாகிக் கெடும்' என்கிறார். அதாவது தமது வரவு என்ன செலவு என்ன என்று அறியாமல் வாழ்பவர்கள், அளவுக்கு மிஞ்சிச் செலவு செய்பவர்களது வாழ்க்கை, நன்றாக இருப்பது போல் இருக்கும், ஆனால் திடீரெனக் காணாமல் போய்விடும் என்பது இதன் பொருள்.


தொடர்ந்து வாசிக்க... 


-பாலகார்த்திகா

விண் ஓடம் (Space Shuttle)

மனிதனின் விண்வெளிப் பயணத்தைச் சாத்தியமாக்கிய பெருமை உந்துகணைகளையே (Rockets) சாரும். உந்துகணைகள் சக்தி மீளுதைப்புத் (Energy Reaction) தத்துவத்தின் அடிப்படையில் இயங்கும் விண்ணூர்திகளாகும். உந்துகணைத் தொழிநுட்பமானது வானவேடிக்கை, ஏவுகணை, விண்வெளிப்பயணம் போன்ற பல்வேறுபட்ட தேவைகளுக்காகப் பயன்படுத்தப்படுகின்றன. உந்துகணைகள், அவற்றிற் பயன்படுத்தப்படும் எரிபொருளின் அடிப்படையில் பிரதானமாக இரண்டுவகையாகப் பிரிக்கப்படுகின்றன.

  1. திண்ம எரிபொருள் உந்துகணைகள் (Solid Propellant Rocket)
  2. திரவ எரிபொருள் உந்துகணைகள் (Liquid Propellant Rocket)
Shuttle_01பெரும்பாலும் குறுந்தூரத்திற்கு ஏவுவதற்குப் பயன்படுத்தப்படும் ஏவுகணைகள், திண்ம எரிபொருள் உந்துகணைகளையே பயன்படுத்துகின்றன. நெடுந்தூர ஏவுகணைகள் மற்றும் விண்வெளிப் பயண ஊர்திகள் போன்றவற்றிற் பயன்படுத்தப்படும் உந்துகணைகள் திரவ எரிபொருள் உந்துகணைகளைப் பயன்படுத்துகின்றன.
உந்துகணைகளின் வரலாறு, கி.மு. 1232 இல் சீனர்களால் மொங்கோலியர்களுடனான யுத்தத்தில் பயன்படுத்தப்பட்ட உந்துகணைகளுடன் ஆரம்பமாகின்றது. உந்துகணைகள் பலகாலமாக போர்கள், கடல்சார் மீட்புப்பணிகள், சமிக்கை வழங்குதல் மற்றும் வானவேடிக்கை போன்றவற்றிற் பயன்படுத்தப்பட்டுவந்த போதிலும் அவற்றின் அடிப்படைத் தத்துவ விளக்கம் 20 ஆம் நூற்றாண்டிலேயே தெளிவாகப் புரிந்துகொள்ளப்பட்டதுடன் அதன்பின்னரே அவை தொழிநுட்ப மற்றும் பயன்பாட்டுரீத்தில் பாரியளவில் வளர்ச்சியடையத் தொடங்கின. அதன் தொடர்ச்சியாக விண்வெளிப் பயணங்கள் தொடர்பான ஆராய்ச்சிகளும் விண்வெளி தொடர்பான விஞ்ஞான ஆராய்ச்சிகளும் வேகம்பெற்றன.
ஆரம்பகால திண்ம எரிபொருள் உந்துகணைகளில் எரிபொருளாக கரிமருந்தே (Gun Powder) பயன்படுத்தப்பட்டது. உலகின் முதலாவது திரவ எரிபொருள் உந்துகணை Robert Goddard இனால் 1926 ஆம் ஆண்டு ஏவப்பட்டது. 1920 ஆம் ஆண்டுகளில் பல உந்துகணை ஆராய்ச்சி நிறுவனங்கள் தோற்றம் பெற்றன. 1920 களின் நடுப்பகுதியில், ஜெர்மனிய விஞ்ஞானிகள் திரவ எரிபொருளைப் பயன்படுத்தி உச்ச வலுவைப் பெறக்கூடிய உந்துகணைகளை வடிவமைக்கும் ஆய்வில் ஈடுபட்டனர். இதனைத்தொடர்ந்து பலதரப்பட்ட ஆய்வுகள் பல நாடுகளிலும் நடாத்தப்பட்டன.

தொடர்ந்து வாசிக்க... 


-ஜெயசீலன்

Friday, 2 October 2009

வரலாற்றின் பக்கங்கள்

ஈழத்தமிழரின் ஆயுதவழியிலான விடுதலைப்போராட்டமானது வீழ்ச்சியைச் சந்தித்துள்ள நிலையில், அடுத்தகட்ட முன்னெடுப்புக்கள் பற்றி பல விவாதங்கள் வெளிவரத்தொடங்கியிருக்கும் நிலையில் அவைபற்றிய ஆழமான புரிதல் அவசியமாகிறது.
முப்பது ஆண்டுகளுக்கு மேலாகத் தொடர்ந்த ஆயுதப் போராட்டமானது ஒவ்வொரு தமிழரிலும் தேசிய உணர்வை ஆழமாக விதைத்துள்ளது. முப்பதினாயிரத்திற்கும் மேற்பட்ட போராளிகளின் ஈகமும் ஓர் இலட்சத்திற்கும் மேற்பட்ட பொதுமக்களின் இழப்பும் விடுதலைக்கான எழுச்சியை வீச்சாகியிருக்கிறது. ஆனால் இவ்வளவு ஈகத்திற்கும் இழப்புக்கும் பின்னர் அடுத்தகட்டத்தை நோக்கிய நகர்வில் எவ்வாறு எம்மைச் செம்மைப்படுத்திக்கொள்வது என்பது முக்கியமானது.


-கொக்கூரான்

ஆகாய விமானம்

பறவைகளைப்போன்று தானும் பறந்துவிடவேண்டும் என்று கற்பனைகளிலும் கவிதைகளிலும் கனவுகளோடு மிதந்துவந்த மனிதனின் பறக்கும் கனவு, 1903 ஆம் ஆண்டு ரைட் சகோதரர்களால் (Write Brothers) நிகழ்த்தப்பட்ட பறத்தல் சாதனையுடன் நனவாகத் தெடங்கியது. ரைட் சகோதரர்களால் வடிவமைக்கப்பட்ட பறக்கும் இயந்திரத்துடன் (Flying Machine) தொடங்கப்பட்ட மனிதனின் பறக்கும் ஆசையுடன்கூடிய தேடலுக்கான பயணம், இன்று விண்வெளிக்கும் பிறகோள்களுக்கும் செல்வதற்கான விண்ணூர்திகளை வடிவமைத்தல் என்ற நிலையையடைந்தும் முடிவற்றுத் தொடர்கின்றது.
பலநூறு தொன் நிறையுடைய விமானம் ஒன்று மேலும்பல தொன் நிறைகளையும் தன்னுட் சுமந்தவண்ணம் வானிற் பறப்பதென்பது மனிதகுலம் படைத்த மகத்தான சாதனைகளில் ஒன்றெனில் அது மிகையன்று.
விமானத் தொழினுட்பத்தின் வளர்ச்சியென்பது இன்று எல்லைகளற்று வளர்ந்த வண்ணமுள்ளன. முதன்முதலில், 10 அடி உயரத்தில் 120 அடி தூரத்திற்கு மட்டுமே பறந்த மனிதனின் பறப்புப் பயணம், இன்று பலநூற்றுக்கணக்கானவர்களைக் காவியபடி பல்லாயிரம் அடி உயரத்தில் பல்லாயிரம் கிலோமீற்றர்கள் தூரத்திற்குப் பறக்குமளவிற்கு வளர்ச்சியடைந்துள்ளது.

தொடர்ந்து வாசிக்க...

Thursday, 1 October 2009

இணையதளம் - சாபமாய் மாறுமா வரம்?

இணைய தளம் இன்றைய வாழ்க்கை முறையைத் தலைகீழாக மாற்றிவிட்டது. எதைக்குறித்தும் ஏராளமான தகவல்களைப் பெறவும் எந்த நாட்டில் இருக்கும் உறவினர்களுடன் தொடர்பு கொள்ளவும், உங்களுக்குத் தேவையான பொருட்கள் வாங்கவும், வீட்டில் இருந்தபடியே பணி புரிந்து பணம் சம்பாதிக்கவும், வங்கிகளில் வரவு செலவு மேற்கொள்ளவும்.... இன்னும் எத்தனையோ வசதிகள் கொட்டிக்கிடக்கின்றன இணையத் தளங்களில். ஆனால் அதே வசதிகள் உங்களை ஏமாற்றவும், தப்பான, சட்டத்திற்குப் புறம்பான காரியங்கள் செய்யவும், குழந்தைகளின் மனத்தினை நஞ்சாக்கவும்.. இன்னும் பற்பல தீய நிகழ்வுகளுக்கும் துணை போகக்கூடும்.
இத்தகைய சூழலில், இணைய தளத்தைப் பாதுகாப்பாகப் பயன்படுத்தவும், பண வரவு செலவுகளில் ஏமாந்து விடாமல் இருக்கவும் நாம் விழிப்புணர்வுடன் இருக்க வேண்டியது அவசியமாகிறது. அத்துடன் இணைத்தளத்தை சரிவரப் பயன்படுத்தாவிடில் நமது நற்பெயரும் குலைந்துவிடக் கூடும், அது குறித்தும் நாம் தெரிந்து கொள்ளவேண்டும்.

-பாலகார்த்திகா

சுற்றுப்புறச் சூழலின் ஆரோக்கியமறியத் தரும் தவளைகள்


இயற்கையின் படைப்பாக்கத்தில் புதிது புதிதாக உயிரினங்கள் தோன்றுவதும், மறைவதும் சுழற்சி அடிப்படையில் அமைவது; அது தவிர்க்க முடியாததாகவும் உள்ளது. இந்த நிலையில் இது வரையிலும் இந்தப் பூமியின் உயிரினத் தோன்றலிலிருந்து நான்கு முக்கிய மொத்த உயிரின அழிவு (Mass Extinction) நடந்தேறப்பட்டிருப்பதாக அறியப்படுகிறது. ஆனால், ஐந்தாவதாக ஒன்று இப்பொழுது நமது காலத்தில், நம் கண்களுக்கு முன்னாலேயே, அதுவும் நம்முடைய நடவடிக்கைகளால் துரிதமாக நடந்து கொண்டிருப்பதாக இயற்கை ஆர்வலர்கள் நமக்கு அறியத்தருகிறார்கள்.
இது போன்ற விரைந்தழியும் தன்மை மனிதனால் எப்பொழுது தோற்றுவிக்கப்பட்டிருக்கலாம் என்று தோராயமாகக் காணும்பொழுது அது பத்தாயிரம் வருடங்களுக்கு முன்பு வட அமெரிக்காவில் மனிதன் குடியேறி அங்கு வாழ்ந்த விலங்கினங்களில் பெரும்பாலானவற்றை வேட்டையாடி முடித்ததிலிருந்தோ அல்லது அண்மைய தொழிற்புரட்சிக்குப் பிறகு தொடங்கி வைத்த இந்த உலகச் சூடேற்றத்தாலோ கூட இருக்கலாம் என்று தெரிகிறது.



தடங்கள் – 3. பரந்தன்-ஆனையிறவு ஊடறுப்புச் சமர்

சிறிலங்கா இராணுவத்திடமிருந்து ஆட்லறிகளைக் கைப்பற்றுவதை முதன்மை நோக்கமாகக் கொண்டு நடத்தப்பட்ட ஒரு தாக்குதல் தொடர்பாக தடங்கள் -1, தடங்கள் -2 ஆகிய பகுதிகளில் பார்த்திருந்தோம். அதற்கு முன்பே நடத்தப்பட்ட இன்னொரு தாக்குதல் பற்றி இப்பகுதியில் பார்க்கப் போகிறோம்.
அது 1996 ஆம் ஆண்டின் இறுதிப்பகுதி. அவ்வருடத்தின் யூலை மாதத்தில் ‘ஓயாத அலைகள்’ என்ற பெயரில் புலிகள் நடத்திய தாக்குதலில் முல்லைத்தீவுப் படைத்தளம் முற்றாகக் கைப்பற்றப்பட்டிருந்தது. அதைத்தொடர்ந்து சிறிலங்கா இராணுவம் மேற்கொண்ட ‘சத்ஜெய -1’ என்ற நடவடிக்கை மூலம் பரந்தனும், ‘சத்ஜெய -2,3’ நடவடிக்கைகள் மூலம் கிளிநொச்சியும் சிறிலங்கா அரச படைத்தரப்பால் கைப்பற்றப்பட்டிருந்தன. இந்நிலையில் புலிகள் தமது அடுத்த பாய்ச்சலுக்குத் தயாரானார்கள்.


இந்திய - இலங்கை கூட்டுச்சதியில் பறிபோகும் அபாயத்தில் தமிழீழ பொருண்மியம்

வன்னிப் பெருநிலப்பரப்பில் 600 கோடி ரூபா முதலீட்டில் பாரிய விவசாய நடவடிக்கையை மேற்கொள்வதற்கான திட்டமிடல் செயற்பாடுகள் மிகத்துரிதமாக இலங்கை அரசினால் முன்னெடுக்கப்பட்டு வருகின்றன. வரவேற்றக்கப்படவேண்டிய இத்திட்டம் அரசியல்வாதியான பசில் ராஐபக்ச தலைமையின் கீழ் ஒருங்கிணைக்கப்பட்டிருப்பது பல சந்தேகங்களை தோற்றுவிக்கின்றது.
அதேவேளை அரசியல் பலவீனத் தள நிலையிலிருக்கும் தமிழ்மக்கள் இதை எவ்வாறு எதிர்கொள்ள போகின்றார்கள்; என்ற கேள்வியை சிந்திக்க வேண்டிய கட்டாயத்திலுள்ளோம். ஏதோ ஒருவகையில் நிறைவேறப்போகின்ற திட்டத்தை எவ்வாறு எம்மக்களுக்குச் சாதகமாக மாற்றுவது, அரசியல் ரீதியாக வரக்கூடிய சிக்கல்களை எவ்வாறு எதிர்கொள்வது போன்ற பிரதான விடயங்களில் உள்ளுர், புலம்பெயர் முதலீட்டார்களும் புலமைசார்வல்லுனர்களும் தமிழ் அரசியல்வாதிகளும் ஒன்றிணைந்து பாடுபடவேண்டிய தார்மீக பொறுப்பை உணர்ந்து செயற்பட வேண்டும் என்பது வன்னி விவசாய பெருமக்களின் எதிர்பார்ப்பு.
eela-economyவிவசாய மேம்பாட்டுத்திட்டத்தின் ஆரம்பகட்ட நடவடிக்கையாக சாத்தியகூற்று ஆய்வினை மேற்கொள்ளும் விவசாய விஞ்ஞானிகளின் குழு கடந்தவாரம் இந்தியாவிலிருந்து வரவழைக்கப்பட்டிருந்தது. ஒரு துறைசார் திட்டமிடலுக்கான இக்குழு, நாட்டின் அரசியல் மற்றும் அதிகார உயர்மட்டங்களுடனான சந்திப்பினை மட்டுமே முக்கியத்துவப்படுத்தியிருக்கின்றது. இச்செயற்பாடு, விவசாய மேம்பாட்டுதிட்டத்தில் அரசாங்கத்தின் அபிலாஷைகளே பிரதானமாக்கப்பட்டிருக்கின்றது என்ற முடிவினையே தருவதாக அமைந்தள்ளது. ஏனெனில்; ஏற்கனவே மகாவலித்திட்டத்தினூடாக வன்னியில் பாரிய சிங்களக்குடியேற்றங்களை நிறுவ வேண்டும் என்ற இலங்கை அரசின் நீண்டநாள் கனவுக்கோவை மீளத் தூசுதட்டப்பட்டு, சர்வதேச உதவியுடன் புத்துயிர் கொடுக்கக்கூடிய வாய்ப்புக்கள் மேலோங்கியிருப்பதே இந்த ஆரம்பகட்ட நடவடிக்கைகள் சுட்டிக்காட்டி நிற்கின்றன.