Wednesday, 2 December 2009

தடுப்புமுகாம் மக்கள் 15 நாட்களுக்கு வெளியில் தங்கியிருந்துவிட்டு வர அரசு அனுமதி!


வவுனியா அகதி முகாம்களில் தங்கவைக் கப்பட்டிருந்த ஆயிரக்கணக்கான மக்கள் நேற்று முதல் சுதந்திரமாக வெளியில் சென்றுவர அனுமதி வழங்கப்பட்டுள்ளது.டிசெம்பர் முதலாம் திகதி முதல் இந்த மக்களுக்கு நடமாட்டச் சுதந்திரம் வழங்கப்படும் என இரு வாரங்களுக்கு முன்னர் அரசு அறிவித்திருந்தது தெரிந்ததே.
நேற்று நண்பகல் வரை ஆயிரத்துக்கும் அதிகமான குடும்பங்களைச் சேர்ந்த 6 ஆயிரத்துக்கும் அதிகமான மக்கள் முகாமிலிருந்து வெளியேறினர் என்று வவுனியா பதில் பிரதேச செயலாளர் என்.திருஞானசம்பந்தர் தெரிவித்தார்.
"முகாமிலிருந்து செல்வதற்கான போக்குவரத்தே பிரச்சினையாகவுள்ளது. எனினும், மக்கள் அங்கிருந்து செல்வது குறித்து மகிழ்ச்சியாகவுள்ளனர்'' என்றும் அவர் தெரிவித்துள்ளார்.
6


வெளிநாடொன்றில் விடுதலைப்புலிகளின் மூன்று கப்பல்களை சிறிலங்கா அரசு கைப்பற்றியுள்ளதாம்!


விடுதலைப்புலிகளின் மூன்று கப்பல்களை வெளிநாட்டு துறைமுகம் ஒன்றில்வைத்து சிறிலங்கா அரசாங்கம் கைப்பற்றியுள்ளதாக பாதுகாப்பு அமைச்சு வட்டாரங்கள் தெரிவித்துள்ளன. கைது செய்யப்பட்ட பத்மநாதன் வழங்கிய தகவல்களின் அடிப்படையில் கைப்பற்றப்பட்ட இந்த கப்பல்கள் இரண்டு வாரங்களுக்குள் சிறிலங்காவுக்கு கொண்டுவரப்படவுள்ளன என்று அந்த வட்டாரங்கள் மேலும் தெரிவித்துள்ளன.
அந்த வட்டாரங்கள் தெரிவித்துள்ளன.

ஈழகாவியம் இலக்கியதொடர் - 10

புலத்துக் காண்டம்.
அத்தியாயம்:12 நிகழ்காலம்.
சிறீலங்கா மீதான ஒரு பார்வை
(வெண்பா)

புலத்தி லிருந்திப் பொழுதில் இலங்கா
மலக்கா டுறைவதைப் பார்த்தேன்-அலக்காகி
துட்டன் பெயரைத் துருவித் தனக்குத்தான்
இட்டான் மகிந்தனே ஏல்!



தொடர்ந்து வாசிக்க...

நூறாவது குரங்கு

1952 ஆம் ஆண்டு சில ஜப்பானிய ஆராய்ச்சியாளர்கள் கோஷிமா என்ற தீவில் ஒரு வகைக் குரங்கினத்தின் இயல்புகளை ஆராய்ந்து கொண்டிருந்தார்கள். அந்தக் குரங்குகளுக்கு உணவாக சர்க்கரைவள்ளிக் கிழங்கு தந்து வந்தார்கள். அவர்கள் சர்க்கரைவள்ளிக் கிழங்கை வெட்ட வெளியில் போட குரங்குகள் அவற்றை எடுத்து சாப்பிட்டு வந்தன. பெரும்பாலும் ஈர சகதியில் விழுந்திருந்த கிழங்கை எடுத்து சாப்பிட்ட குரங்குகள் அந்த சகதியின் சுவையும் கிழங்கோடு சேரவே, அதை சிரமத்துடன் சாப்பிட்டன.


தொடர்ந்து வாசிக்க...


-என். கணேசன்

Tuesday, 1 December 2009

போதையில் இருந்து விடுபட...

குடிப்பழக்கத்துக்கு அடிமையான ஒருவன் ஒரு நாள் ஒரு ஞானியைச் சென்று சந்தித்தான். "ஐயா! குடிப்பழக்கம் என்னை ஆட்கொண்டு விட்டது. அதில் இருந்து என்னால் மீள முடியவில்லை. நான் என்ன செய்ய வேண்டும்?" என்று கேட்டான். ஞானி பதில் எதுவும் கூறாமல், அருகில் இருந்த ஒரு மரத்தின் அருகில் சென்று அந்த மரத்தை இறுக்கப் பிடித்துக் கொண்டார். பின் உரத்த குரலில் "காப்பாற்றுங்கள்! காப்பாற்றுங்கள்!! இந்த மரம் என்னைப் பிடித்துக் கொண்டுவிட்டது. என்னை அதில் இருந்து விடுவிக்க வாருங்கள்" என்று கத்தினார். குடிகாரன் மனதிற்குள் இவர் நம்மை விடப் பெரிய குடிகாரர் போலிருக்கிறதே! என்று நினைத்தவாறே "இது என்ன அசட்டுத்தனம் சுவாமி! நீங்கள் மரத்தை வலியச்சென்று கட்டிப் பிடித்து விட்டு, அது உங்களைப் பிடித்துக் கொண்டு விடவில்லை என்று கத்துகிறீர்களே! நீங்கள் விடுபட வேண்டும் என உண்மையில் விரும்பினால் நீங்கள் அல்லவா உங்கள் கைகளை விலக்க வேண்டும்?" என்றான்.


தொடர்ந்து வாசிக்க...


-பாலகார்த்திகா

Mi-24 பறக்கும் டாங்கி

180px-Mi-24_Macedonianகடந்த வாரம் இப்பகுதியில் அமெரிக்கத் தயாரிப்பான AH-65 தாக்குதல் உலங்குவானூர்தி தொடர்பாகப் பார்த்திருந்தோம். இவ்வாரம். பறக்கும் டாங்கி என ரஸ்ய விமானிகளால் அழைக்கப்படும் Mi-24 தாக்குதல் உலங்குவானூர்தி தொடர்பாகப் பார்க்கவிருக்கின்றோம். 1972 ஆம் ஆண்டு தொடக்கம் சோவியத் விமானப்படையினால் பயன்படுத்தப்பட்டுவரும் இவ் உலங்குவானூர்தியானது தாக்குதற்திறன் மிக்கதாக இருப்பது மட்டுமல்லாது சிறு எண்ணிக்கையான துருப்புக்களையும் நகர்த்தவல்லது.


தொடர்ந்து வாசிக்க...


-ஜெயசீலன்

Monday, 30 November 2009

ஈழகாவியம் இலக்கியத்தொடர் - 09


புலத்துக் காண்டம்.
அத்தியாயம்:11 நிகழ்காலம்.
இந்தப் பொழுதின் மாவீரர் நாள்
கார்த்திகை மைந்தர் வணக்கம்!
(அறுசீர் விருத்தம்)

கார்த்திகைக் காலம் இந்நாள்!
  கதையொடும் சிதைகள் நின்று
கோர்த்திடும் மைந்தர் பேச்சுக்
  கேட்டிடும் நாட்கள் இந்நாள்!
வார்ப்பொடும் பாச நெஞ்சம்
  வைத்தவர் உயிரைத் தூவிச்
சேர்த்தவர் ஒளிரும் தேசச்
  சிற்பிகள் உலவும் நாட்கள்!
தொடர்ந்து வாசிக்க...
-புதிய பாரதி

அரசதலைவர் தேர்தலில் தமிழ்மக்களின் கொள்கை பிரகடனம் என்ன?

சிறிலங்காவின் அரச தலைவர் தேர்தல் வாசலுக்கு வந்துள்ளநிலையில், இந்த அரசிற்களத்தில் புலிகளின் ஆயுதப்போராட்ட பின்னடைவிற்கு பின் உள்ள அரசியல் நிலைமையினை கையாள்வது எவ்வாறு என்பதே இன்று தமிழ்மக்களுக்குள்ள மிகவும் முக்கியமான விடயம். இதற்கு, தமிழ்த்தேசிய அரசியல்வாதிகள் ஒன்றிணைந்து பொது அரசியல் தீர்மானத்தை எட்டுதல் வேண்டும். எடுக்கப்படும் அரசியல் தீர்மானம் மக்களின் கருத்துக்கணிப்பிற்கு விடப்பட்டு, பொதுத்தீர்மானம் நிறைவேற்றப்படுவதன் மூலம், தமிழ்மக்களின் வாக்குப்பலத்தைப் பயன்படுத்திக் திருப்திகரமான அரசியல் உரிமைகளை பாதுகாக்க முயற்சிகள் எடுக்கவேண்டும்.



28iraq2-600


தொடர்ந்து வாசிக்க...

மனச்சோர்வால் வாடும் அரும்புகள்

இணையத்தில் மேய்ந்து கொண்டிருக்கையில் ஒரு சிறிய கதை கண்ணில் பட்டது. ஒரு சிறுவன், "அப்பா, கொஞ்ச நேரம் என்னுடன் விளையாட வாருங்கள்" என்று தன் தந்தையிடன் கேட்கிறான். தந்தை சொல்கிறார்" எனக்கு உன்னுடன் விளையாட எல்லாம் நேரம் ஒதுக்க முடியாது. என் ஒவ்வொரு நிமிடமும் மதிப்புடையது". சிறுவன் விடவில்லை. "அப்பா! நீங்கள் ஒரு மணி நேரத்திற்கு எவ்வளவு சம்பாதிப்பீர்கள்?". 'உன் தாய் கூட இப்ப்டிக் கேட்டதில்லை. உனக்கு எதற்கு இந்த விவரம்?" என்றார் தந்தை. "தயவு செய்து சொல்லுங்கள்" என்று நச்சரிக்கிறான் மகன். "ஒரு மணி நேரத்தில் நான் இருபது டாலர் சம்பாதிப்பேன்", கர்வத்துடன் சொல்லிவிட்டு தந்தை தன் வேலையில் மூழ்கிவிடுகிறார்.
child_depression


தொடர்ந்து வாசிக்க...


-பாலகார்த்திகா

வேர்பாய்ந்த விழுதுகள்.. (சிறுகதை)


பரந்தன் முல்லைத்தீவு வீதி நீளம் இடம்பெயர்ந்து ஓடுபவர்களால் நிறைந்து இருந்தது.
கண் கூசியபடி எழும் சூரியக் கதிர்கள் அன்றைய தினத்தை மழையின்றிய தினமாகப் பிரகடனம் செய்தது.
வீதிக்கு வருவதும் வாகனத்தைக் கண்டதும் இறங்கி நடப்பதுமாக அந்த வயோதிபரைப் பார்க்க முடிந்தது. கையில் ஒரு தூக்குப்பை வைத்திருந்தார்.


Veerpaintha_Viluthugal-1


Sunday, 29 November 2009

பிச்சை எடுக்கும் அரசு பிச்சை போடுமா?

வன்னியில் தொடர் அவலங்களைச் சந்தித்து அதன் தொடராக வதை முகாம்களுக்குள் முடக்கப்பட்டு சர்வதேசத்தின் தொடர் அழுத்தங்களால் மீள் குடியேற்றம் என்ற பெயரில் தமது சொந்த இடங்களுக்கு அனுப்பப்பட்ட மக்கள் இயல்பு வாழ்விற்குத் திரும்பிவிட்டார்களா? என்பதை சர்வதேச நாடுளோ அல்லது சர்வதேச அமைப்புக்களோ ஏன் புலம்பெயர் தமிழ் உறவுகளோ அறிந்திருக்க வாய்ப்பில்லை.


IDP_1


தொடர்ந்து வாசிக்க...


-இராவணேசன்

Wednesday, 25 November 2009

ஊடகங்கள் செய்த(வ)து போதுமா?


தேசியவிடுதலைப் போரின் தோற்றம் அதன் பின்னரான வளர்ச்சி அது இடையில் எதிர்கொண்ட பின்னடைவு இவை அனைத்துடனும் ஊடகங்களின் ஒன்றிணைவு என்பது முக்கியமான விடயமாகும்.
இலங்கைக்குச் சுதந்திரம் வழங்கப்பட்டதாக அறிவிக்கப்பட்டதன் பின்னர் தொடங்கிய அகிம்சைப் போராட்டம் முதல் இன்றுவரை சுமார் அறுபது ஆண்டுகளைக் கடந்தும் எமது மக்களுக்கான உரிமைகள் இன்னமும் கிடைக்கப் பெறவில்லை அல்லது பெறமுடியவில்லை என்றால் எங்கள் ஊடகங்களின் கருத்து வெளிப்பாட்டுத் தன்மையின் தோல்வியே முக்கிய காரணம் என்பதை அனைவரும் ஏற்றுக் கொள்ளத்தான் வேண்டும்.


-இராவணேசன்

Tuesday, 24 November 2009

"டொனமூர் எனின் இனிமேல் தமிழர் இல்லை" - சேர் பொன். இராமநாதன்

1832 ஆம் ஆண்டு தொடக்கம் இருந்த அதிகாரிகளது ஆட்சிமுறை 1921 இல் பிரதிநித்துவ அரசாக மாறியது. 1924 இல் அரசியல் யாப்பில் மேலும் சீர் திருத்தம் செய்யப்பட்டது. முதலில் வகுப்புவாரி அடிப்படையில் (Communal Representation) நடைபெற்று வந்த நியமனங்கள் 20 ஆம் நூற்றாண்டின் முதற் பகுதியில் இருந்து ஆட்புல அடிப்படைக்கு (Territorial Representation) மாறியது. அதாவது இலங்கையின் நிலப்பரப்பு பிரிக்கப்பட்டு தொகுதிவாரியாக பிரதிநிதிகள் தேர்ந்தெடுக்கப்பட்டார்கள். கோல்புறூக் இலங்கைக்கு வந்த காலத்தில் (1832) 9 அதிகாரிகளையும் 6 உத்தியோகப்பற்றற்றவளையும் கொண்டிருந்த சட்டவாக்க அவை ஆளுநர் மக்கெல்லம் (McCallum -1912) காலத்தில் 11 அதிகாரிகள் 10 அதிகாரிகள் அல்லாதோர் என்றாகி, ஆளுநர் மன்னிங் (Manning -1921) காலத்தில் அதிகாரிகள் 14, மற்றையோர் 23 என விரிவு அடைந்தது.

தொடர்ந்து வாசிக்க...

-நக்கீரன்

Monday, 23 November 2009

AH-65 Apache தாக்குதல் உலங்குவானூர்தி

நவீன மரபுவழி யுத்தங்களில் யுத்த டாங்கிகளின் பயன்பாடு எந்தளவிற்கு முக்கியத்துவம் பெறுகின்றதோ அதேயளவு முக்கியத்துவத்தினை தாக்குதல் உலங்குவானூர்திகளும் பெறுகின்றன. யுத்த முனைகளின் பயன்பாட்டில் தாக்குதல் விமானங்களைவிட தாக்குதல் உலங்குவானூர்திகளே வினைத்திறனுடையவையாகக் காணப்படுகின்றன. பல்வேறு நாடுகளின் பயன்பாட்டிலுள்ள தாக்குதல் உலங்குவானூர்திகளில் AH-65 Apache தாக்குதல் உலங்குவானூர்தியானது முன்னணித் தாக்குதல் உலங்குவானூர்திகளில் ஒன்றாகக் காணப்படுகின்றது.



தொடர்ந்து வாசிக்க...

கலைந்து போய்க்கிடக்கிறது என் தேசம்


கலைந்து போய்க்கிடக்கிறது என் தேசம்
நிலா தந்து போன வானம் - தினம்
பிணம் பெய்து போகக்
கலைந்து போய்க் கிடக்கிறது என் தேசம்...!

நிறைந்த வெளிகள் தோண்டி - என்
உறவுமறைந்த குழிகள் மூடிப் - பல
திறந்த முகாம்கள் வந்த பின்பு
கலைந்துபோய்க் கிடக்கிறது என் தேசம்..!
Kalainthu_Poaikidekiraathu_Enn_Thesam
தொடர்ந்து வாசிக்க...